زى ما قال صاحبى (مش مهم اى حاجه اهم حاجه النظام ) وقال ايضا معلقا امريكا احتلت العراق بالنظام وختم المقال وبرده خلى بالك من الصحه
Tuesday, February 10, 2009
كله تمام
كله تمام يا ريس و مفيش أي جديد ... رجالتنا زي الفل و واكلين سوق الحديد
كله تمام يا ريس و أوعى يهمك معارضة ... طول عمرنا بنشكمهم مش بس من النهارده
كله تمام يا ريس و متشلش هم الناس ... ناسنا معاهم كوسة و الباقي معاه قلقاس
كله تمام يا ريس و التعليم زي الفل ... محدش فاهم حاجة و الجهل طايل الكل
كله تمام يا ريس و مفيش مشكلة في العيش ... المخابز فاتحة ابوابها و الناس هي اللي مابتجيش
كله تمام يا ريس و الوظايف مالية الدنيا ... و كل مصالح الناس بتخلص في اقل من ثانية
كله تمام يا ريس و الشوارع متظبطة ... و الدنيا فاضيه خالص و الناس مش محبطة
كله تمام يا ريس و الشعب بيحبك ... ما هو اصله شايف و عارف مصير اللي يجي ضدك
كله تمام يا ريس و الوزراء مبسوطين ... اشتغلوا ما اشتغلوش على قلوب الناس قاعدين
كله تمام يا ريس و الدنيا عال العال ... نام و انت مطمن على مستقبل جمال
Subscribe to:
Post Comments (Atom)
No comments:
Post a Comment